సారాల సంద్రాల సారలు
సరాల స్వరాల సారెలు
నరాల ఊరు రసాలు
కరాల జారు వరాలు
తరాలు మారు శరాలు
కారుల కైపుల కురుల కయ్యాలు

ఇది చదివేసి ఏటి ఇందులో ఇంతుందేటి అని అనుమానం మీకు కలగక మానదు

సుందర సందుల సందెరా

(సుందరమైన పగటికీ రాత్రికీ సందునున్న సంధ్యరా)

సందిట సద్దుల సోలరా

(ఒడిలో ఊసులకి పక్కన సోలరా)

సన్నటి సొగసులు సోల-రా

(సన్నటి సొగసులు సోల(తూకం) రా)

సరిసన్నల సాటున సాగరా

(నా చక్కని సరైన ఒంపుల చాటున సాగరా)

సారాల సంద్రాల సారలు

(సారాల (“సారము” కి బహువచనం పొరపాటున సారాయి అనుకునేరు)..సంద్రాల చారలు/గురుతులు)

సరాల స్వరాల సారెలు

(సున్నితమైన స్వరాల(గొంతుల/గమకాల) సారె లు)

నరాల ఊరు రసాలు

కరాల జారు వరాలు
తరాలు మారు శరాలు
(ఒక పద్దతి అంటు లేకుండా మారుతుండే బాణాలు లా చేతులనుండి జారే వరాలు)

కారుల కైపుల కురులు
(నల్లటి మత్తైన/వత్తైన కురులు)

చరచుటే చప్పట్లను చందాన

చార్చు చారచక్షుల

చమర్చిన చక్షువులన్

చరణాల చేర్చిన చేర్పరుల చెరితలు చెర జొచ్చెన్

ఇందలి అర్ధంబెతికిన దొరకకున్నన్

అందలిమర్మంబేమియునులేదు

కడు దుఃఖంబున్

ఇంతియేననెడి తవితాజనకుండ

క్షమింపి సాగనంపవలెన్

నాకైనా నాకాణే నీకైననూనీకాణే

నాక్కానినీకాణీ నీకైనా కానీ

నీకేకాణీ కాననీ కానిమ్మనికానీ

నాకేమోనని ఏదోకానీ ఆ ఒక్కాణీ

మొగ్గమోము మొగ్గకున్న మెగ్గేనా

ముగ్ధకి మగ్గిన మగడిక మిగిలి మగ్గేనా

చుక్క చుక్కకీ మధ్య చక్కందనాల చుక్క

చేతికందితే చుక్కే! చెప్పమందిలే చెమక్కే

చిక్కినా చిక్కకున్నా ఇక చిక్కే!

వలవేసిన దక్కే వసవేసిన ఇంక హుళక్కే

{ఇక్కడ “తాను చిక్కినా (ఒళ్ళు) నాకు చిక్కకున్నా (తాను) ఇక చిక్కే” అని కూడా అనుకోవచ్చునేమో మరి}

చక్కని చెక్కిన చిన్నది

చప్పున చెంతకు రమ్మన్నది

చెప్పిన విననీ మనసిదీ

ఛయ్యని కసిరిన చివుక్కన్నదీ

చెంగున పట్టిన కొమ్మదీ చేజారిన బేజారైనదీ

నువ్వునేను ఒకటైతే రంగనాయకమ్మో
నోములన్ని పండేనే రంగనాయకమ్మో
నాయుడోరి తోటలోనా రంగనాయకమ్మో
నులకమంచం ఎక్కేద్దాం రంగనాయకమ్మో

సందెకాడ సీకట్లో రంగనాయకమ్మో
సిగ్గుమొగ్గలవ్వొద్దే రంగనాయకమ్మో
సద్దుసేయని కౌగిట్లో రంగనాయకమ్మో
సంతసాన మునకేద్దం రంగనాయకమ్మో

కన్ను గీటి రమ్మంటే రంగనాయకమ్మో
కన్నెసిగ్గు దోచేస్తా రంగనాయకమ్మో
కాస్త వాటమైతేనూ రంగనాయకమ్మో
కాముడింట పడకేద్దాం రంగనాయకమ్మో

నీదీ,నాదను ఆశలవలయం
ఛేదిద్దాం నేడిక మనం
ఎగిరేద్దాం మన తిరంగా
అవుదాం అమ్మకి అండా దండా
Life is about uncertainity
lets live for love fraternity
This is our country
lets say to the hatred “No Entry”

కన్నతల్లిరా ఈ భూమి
కర్మభూమిరా మన తల్లి
ఆవేశం ఆక్రోషం ఉండేం లాభం
పొరిగింట్లో పుల్లకూర తింటున్నంతకాలం
కాసులుంటేనే కైవల్యమా
పరదేశాలలో బానిసలమా
వెళదాం అమ్మ ఒడిని చేర
విడిపిద్దాం దారిద్ర్యపు చెర
Lets go lets go lets go to India
forever forever love you forever
our mother, our treasure
lets help her together

తరుణి ఒళ్ళేమో నయాగారం
నా మనసేమో మహా మారాం
చిరు నవ్వులోనె సింగారం
ఇక మొయ్యలేనె ఈ భారం

ఆమె కన్నేస్తే కల్లోలం
నాకు మనసిస్తే మయూరం
తను కాస్తుంటే వయోఃశిశిరం
నేనోపలేనె ఇక తాపం

రాతిరెరుగని రేరాజులం
పగలాగని శ్రామికులం
బండరాళ్ళ బానిసలం
ముష్టి బతుకుల కష్టాలం

చదువురాని చకోరాలం
ఎదగలేని వికాసాలం
కలలెరుగని కన్నీళ్ళం
కళలెరుగని పసివాళ్ళం

ఫుట్ పాతులే అంపశయ్యలు
మా చేతులే మాకు దిండ్లు
ఎప్పటికి తీరేనీ కడగండ్లు
ఎప్పటికాగేనీ కన్నీళ్ళు

కను జార్చిన కన్నీరులా
గుండెలోని సుడిగాలిలా
విరబూసిన వెన్నెలా
వీడిపోకె నన్నిలా

విరహాల జడివాన
తడిపిందే ఈ పూట
నువ్వెక్కడ దాగున్నా
దిగిరావే ఈ బాట

ఎద దాచిన ప్రేమలలో
నీ ప్రణయారాధనలో
ఈ నిరీక్షణ నిశీధిలో
నా వెతుకులాట ఎన్నాళ్ళో

పల్లవి:

పశ్చిమాన ఉన్న ప్రియతమా
అందుకో నా ఉత్తరం……….
బాస చెసుకున్న బంధమా
మనసులోకి చేరుమా
ప్రేమ సంద్రంలో మధుర తీరంలో
నడువుమా హాయిగా… ||ప్రేమ సంద్రంలో||

లేఖరాయుచున్న ప్రణయమా
జాగు చేయబోకుమా
అందకుండా ఉన్న లోకమా
ఈడ వచ్చి వాలుమా
ఊహాలోకంలో సాగర తీరంలో
హాయిగా తేలుమా

ఓహోహో హాహాహా లాలాలా హేహే

చరణం:

పసిడి వన్నె పోసి చందనాలు జల్లి
చేసాడమ్మ నిన్ను ఆ బ్రహ్మ బ్రహ్మ బ్రహ్మ బ్రహ్మ
నిదురనుండి లేచి నన్ను చేరవచ్చి
అల్లరల్లరి చేసెయ్యాల అట్టా ఇట్ట ఎట్టాగమ్మో
తోడై నువ్వుంటే ఒకటే క్షణమైనా
వందేళ్ళ జన్మా వదిలేసుకుంటా
నిను విడిచి ఉండగా బాధే నాకు బాసటా
జాలి నీకు వేయదా నేనంటే నీకు లోకువా
నిలువెల్ల నిండిపో కదలని మెదలని వదలని కైపులలో

||పశ్చిమాన||

చరణం:

నన్నే దోచుకోగా నువ్వే కాచుకోగ
వచ్చానమ్మో నీకై నేను వెతకి వెతకి వెతకి వెతకి
నిన్ను చూడగానే తలపులన్ని ఒకటై
నన్నే ముంచివేసాయమ్మో నిండా నిండా నిండా నిండా
మబ్బై నువ్వొస్తే జల్లై నే కురవనా
వానై నువ్వొస్తే మెరుపై నే నవ్వనా
వలపు నెగ్గు వేళలో మధన జపమే కదా
కథ ముదిరిన జాములో బదులు ఇక కౌగిళే
ఏడేడు లోకాలు చూడని ఆడని వాడని కథకళిలో

అసలు పాటతో పాటుగా పాడుకోటానికి ప్రయతినించి చూడగలరు.